معوّض يستذكر والده: ٣٣ سنة وبعدها سيادتنا مخطوفة

في الذكرى الـ ٣٣ لاستشهاد الرئيس رينيه معوّض، غرّد النائب ميشال معوّض عبر حسابه على "تويتر"، وكتب: "٣٣ سنة وبعدوا الجرح عم ينزف. ٣٣ سنة وبعدوا لبنان عم يدفع ثمن اغتيالك. ٣٣ سنة وبعدها سيادتنا مخطوفة، ودستورنا منتهك، ودولتنا مفككة، ومؤسساتنا مشلولة. ٣٣ سنة وبعدن عم بفقرونا، ويسرقوا أموالنا، ويذلّونا، ويهجرونا". وأضاف: "٣٣ سنة وبعدنا بلا ميّ، بلا كهربا، بلا دوا، بلا حماية اجتماعية، بلا مستقبل. ٣٣ سنة ونضالنا مستمر تنسترجع لبنان يلي عطيت حياتك كرمالو، ويلي بدنا ولادنا يكبروا ويتجذروا ويحلموا ويعيشوا فيه بكرامة. اشتقتلك يا بيي!"

وفي هذا السياق، قال النائب فؤاد مخزومي: "الذكرى 33 لاستشهاد الرئيس رينيه معوض تجسّد نموذجاً حقيقياً لرئيس كرّس الوحدة الوطنية والعيش المشترك، وكان رئيس اتفاق الطائف وشهيده".

من جهته، غرّد السفير السعودي في لبنان وليد بخاري على حسابه عبر "تويتر"، قائلاً: "في الذكرى الثالثة والثلاثين لاستشهاد الرئيس رينيه معوّض ورفاقه، فائضُ القوة لا يُلغي الشاهد على الطائف وشهيدَهُ". وتابع: "نعم كما قال الشهيدُ: التاريخ لا يلغى بقرار… 22 تشرين الثاني سيبقى يوم الاستقلال، تحيةُ إجلالٍ لأرواحِ شُهداءِ رجالاتِ الاستقلالِ الذين خاضوا معركةَ استقلالِ بلادِهِم مسلَّحين بالعزم والإرادة والإيمان".